জোনবাই
জোনবাই এ’- তৰা এটি দিয়া
এটি তৰা নালাগে দুটি তৰা দিয়া |
পাত নাই চোত নাই কিহতকৈ দিম ?
হালধীয়া চৰায়ে বাও ধান খায়
সাউদৰ পুতেকে নাও মেলি যায় |
নৱে বোলে তুলুং – ভুটুং
বঠই বোলে বাওঁ
গধূলিতে গধূলিতে দবা কোবাওঁ |
জোনবাই
জোনবাই এ’- বেজী এটি দিয়া
বেজী নো কেলৈ – মোনা চিলাবলৈ,
মোনা নো কেলৈ –ধন ভৰাবলৈ,
ধন নো কেলৈ – হাতী কিনিবলৈ
হাতী নো কেলৈ – উঠি ফুৰিবলৈ,
হাতীত উঠি পানীৰাম গাৱলৈ যায়,
বাটৰ বটৰুৱাই ঘুৰি ঘুৰি চায় ।
