বসন্ত (boxonta)– ৰসৰাজ লক্ষ্মীনাথ বেজবৰুৱা

        

ৰসৰাজলক্ষ্মীনাথ বেজবৰুৱা 

 

    বসন্ত

মালতী ফুলিল, সেউতী উঠিল,

কেতেকী গা-মুৰি দিলে,

সুৰীয়া কুলিয়ে গল কঁপাই গাই

বননিৰ বাতৰি দিলে |

বকুলে সিঁচিলে তৰা একোকণি
মদাৰে খেলিলে ফাঁকু,
যুতি ফুলজুপি নিশাহ এৰিলে
পদুমে মেলিলে চকু |

থুৰিত কৰবীয়ে সাঁচিলে মৌ টুপি
ভুমিয়ে মেলিলে চঁপা,
চৰাই হালধীয়া মৌ – মতলীয়া
উলটি কৰিলে কৃপা |

                                                                – লক্ষ্মীনাথ বেজবৰুৱা